Maqsud Shayxzoda stipendiyasi

1. Mazkur Nizom Toshkent davlat transport universiteti (keyingi о‘rinlarda – Universitet) talabalariga Maqsud Shayxzoda  nomidagi maxsus stipendiya (keyingi о‘rinlarda – maxsus stipendiya) tayinlash va tо‘lash, shuningdek, Maqsud Shayxzoda nomidagi kо‘krak nishoni (keyingi о‘rinlarda - kо‘krak nishoni) bilan taqdirlash tartibini belgilaydi.

2. Maxsus stipendiya va kо‘krak nishoni Maqsud Shayxzoda hayoti va ijodini о‘rganish, faoliyatini yoritish, ilmiy tadqiq qilish hamda targ‘ib etish yо‘nalishida izlanish olib borayotgan, alohida faollik kо‘rsatgan professor-о‘qituvchi va talabalarni rag‘batlantirish maqsadida ta’sis etiladi.

3. Mazkur Nizom О‘zbekiston Respublikasi Vazirlar Mahkamasining 2020 yil 24 avgustdagi 502-son qarori hamda Transport vazirligining 2020 yil 7 sentabrdagi 173-son buyruqlari asosida ishlab chiqilgan.

4. Maxsus stipendiya Universitetning fakultetlar sonidan kelib chiqib, har bir fakultet bо‘yicha bittadan alohida-alohida ajratiladi.

5. Maxsus stipendiya quyidagi mezonlarga javob beradigan universitetning kunduzgi ta’lim shaklida tahsil olayotgan bakalavriatining 1-3-bosqich talabalariga beriladi:

- maxsus stipendiya Maqsud Shayxzodaning hayoti va ijodini о‘rganish, faoliyatini yoritish, ilmiy tadqiq qilish va targ‘ib etish yо‘nalishida izlanish olib borish;

- adabiyot va kitobxonlikni keng targ‘ib qilish yо‘nalishida alohida faollik kо‘rsatish;

- adabiyot va kitobxonlikka doir konferensiyalarda (tanlovlarda) qatnashish; 

- nashr etilgan ishlarning (asarlarning) mavjudligi.

6. Maxsus stipendiya tayinlanishida talabgorlarning ushbu nizomning 

4-bandida belgilangan mezonlarga muvofiq bilim va ijodiy tayyorgarlik darajasini sinovdan о‘tkazish maqsadida:

maxsus stipendiyaga talabgorlar orasidan tanlab olish uchun ta’lim yо‘nalishlari va adabiyot sohasidagi mutaxassislardan iborat tanlov komissiyasi (keyingi о‘rinlarda - Tanlov komissiyasi) tuziladi va uning ish tartibi belgilanadi;

Maqsud Shayxzoda  hayoti va ijodi bо‘yicha test sinovlari (keyingi о‘rinlarda - test sinovi) savollari tayyorlanadi.

7. Talabgorlar dastlabki kо‘rib chiqish uchun fakultet ilmiy kengashiga har yili 20 martga qadar quyidagi hujjatlarni topshiradilar:

- sinov daftarchasidan kо‘chirma (о‘zlashtirish kursatkichi);

- kafedra tavsiyanomasi;

- ijodiy (ilmiy) ish, uning annotatsiyasi va taqriz (mavjud bо‘lsa); murabbiy (tyutor)ning fikr-mulohazalari;

- adib hayoti va ijodi hamda faoliyati (ommaviy axborot vositalarida, ijtimoiy tarmoqlarda va boshqa) targ‘iboti bо‘yicha materiallar;

- adib hayoti va ijodini, faoliyatini tadqiq qilish bо‘yicha respublika va xalqaro miqyosdagi jurnallarda chop etilgan yakka mualliflikdagi ilmiy maqolalar, о‘tkazilgan anjumanlardagi faol ishtirokini tasdiqlovchi hujjat (asl nusxasi);

- о‘z sohasi bо‘yicha xalqaro yoki respublika miqyosidagi kо‘rgazma, biyenalle, festival, simpozium, tanlov va boshqa nufuzli tadbirlardagi ishtiroki va natijalarga erishganligi (mavjud bо‘lsa) tо‘g‘risida tasdiqlovchi hujjat.

8. Barcha hujjatlar ikki nusxada, har bir nusxasi alohida jildga joylangan holda taqdim qilinadi. Har bir jild muqovasida taqdim qilayotgan fakultetning nomi, talabgorning ismi va familiyasi, ishning nomi kо‘rsatilgan bо‘ladi.

9. Fakultet ilmiy kengashi har yili 31 martga qadar talabgorlar tomonidan taqdim etilgan hujjatlarni kо‘rib chiqib, maxsus stipendiyaga nomzodlarni tavsiya etish, nomzodlikka talabgorlarning о‘qishdagi va ijodiy (ilmiy) faoliyatidagi muvaffaqiyatlarini baholash uchun muhokamaga qо‘yadi.

10. Muhokamadan sо‘ng yashirin ovoz berish yо‘li bilan eng munosib talabgorlar tanlab olinadi. Bunda talabgor va uning ishi uchun ovoz berishda ishtirok etgan kengash a’zolarining uchdan ikki qismidan ortig‘i ovoz berganda, nomzod talabalar ma’qullangan hisoblanadi va ularning nomzodini fakultet ilmiy kengashi Tanlov komissiyasiga kiritish maqsadida fakultet dekanatiga takdim etadi.

11. Fakultet dekanati har yili 10 aprelga qadar nomzodlarning hujjatlarini Tanlov komissiyasiga taqdim etadi.

12. Tanlov komissiyasi:

- har yili 20 aprelga qadar talabgorlar bilan test sinovi hamda suhbat о‘tkazadi;

- har yili 25 aprelga qadar nomzodlarning sо‘nggi tanlovini yashirin ovoz berish yо‘li bilan tashkil etadi, bunda talabgor va uning ishi uchun ovoz berishda ishtirok etgan komissiya a’zolarining uchdan ikki qismi yoqlab ovoz berganda, ushbu nomzodni maxsus stipendiya tayinlash uchun tavsiya kiladi;

- har yili 27 aprelga qadar maxsus stipendiya tayinlash uchun tavsiya etish tо‘g‘risidagi qarorni universitet kengashiga taqdim etadi.

13. Tanlov komissiyasining maxsus stipendiyani tayinlash tо‘g‘risidagi qarori asosida har yili 30 aprelga qadar universitet kengashining qarori qabul qilinadi.

Universitet kengashining maxsus stipendiyani tayinlash tо‘g‘risidagi qarori rektor buyrug‘i asosida kuchga kiradi.

14. Maxsus stipendiyaga sazovor bо‘lgan talabalarga har yili 20 mayga qadar “Maqsud Shayxzoda nomidagi maxsus stipendiya sovrindori” guvohnomasi (keyingi о‘rinlarda – guvohnoma).

15. Maxsus stipendiya talabalarga har yili, bir о‘quv yili uchun 

1 sentabrdan boshlab belgilangan miqdorga qatiy rioya kilingan holda tayinlanadi.

Maxsus stipendiya miqdori Vazirlar Mahkamasining 2020 yil 

31 yanvardagi 59-son qarori 2-ilovasining 2-bandiga muvofiq belgilanadi.

16. Talaba о‘qishini boshqa oliy ta’lim muassasasiga kо‘chirganda yoki akademik ta’til olganda maxsus stipendiya tо‘lanmaydi. 4-bosqich talabalariga maxsus stipendiya о‘qigan davri uchun tо‘lanadi.

17. Kо‘krak nishoni bilan universitetda madaniyat va ma’rifat sohasini rivojlantirish, Maqsud Shayxzoda hayoti va ijodini chuqur о‘rganish hamda aholi о‘rtasida, shuningdek, dunyo miqyosida keng targ‘ib qilish borasida yuqori natijalarga erishgan universitetning professor-о‘qituvchilari va talabalari taqdirlanadi.

Kо‘krak nishoni bilan ushbu nizomga muvofiq universitet rektori taqdirlaydi.

18. Kо‘krak nishoni bilan taqdirlash uchun nomzodlarni tanlash va tayinlash bо‘yicha ishchi guruh (keyingi о‘rinlarda - ishchi guruh) tuziladi.

Ishchi guruh tarkibiga adabiyotshunos olim va mutaxassislar, shuningdek, fuqarolik jamiyati instituti vakillari kiritiladi. Ishchi guruh tarkibi universitet rektori tomonidan tasdiqlanadi.

19. Ishchi guruh Nizomga muvofiq kо‘krak nishoniga tavsiya etilgan nomzodlar hujjatlarining xolis va adolatli kо‘rib chiqilishi uchun mas’ul.

Kо‘krak nishoni fakultetlar sonidan kelib chiqib, har bir fakultet bо‘yicha bittadan ajratiladi.

20. Universitet tarkibiy bо‘linmalari va tegishliligi bо‘yicha fakultet dekanatlari kо‘krak nishoni bilan taqdirlash bо‘yicha takliflarni Yoshlar bilan ishlash, ma’naviyat va ma’rifat bо‘limiga har yili 1 aprelga qadar takdim etadi.

21.  Yoshlar bilan ishlash, ma’naviyat va ma’rifat bо‘limi nomzodlar bо‘yicha takliflarni belgilangan tartibda kо‘rib chiqadi xamda har yili 

20 aprelga qadar universitet ishchi guruhiga taqdim etadi.

22. Kо‘krak nishoniga tavsiya etilgan nomzodlarni kо‘rib chiqish bо‘yicha ishchi guruh yig‘ilishida nomzodlarning hujjatlari о‘rganilib, har yili 

1 mayga qadar eng munosib nomzodlar tо‘g‘risida yakuniy xulosa qabul qilinadi hamda universitet rektoriga takdim etiladi.

23. Universitet rektorining kо‘krak nishoni bilan taqdirlash tо‘g‘risidagi buyrug‘i har yili 8 mayga qadar chiqariladi.

24. Kо‘krak nishoni va uning guvohnomasi har yili 20 mayga qadar universitet rektori tomonidan tantanali ravishda topshiriladi.

25. Kо‘krak nishoni bilan taqdirlangan professor-о‘qituvchi yoki talabalarga bazaviy hisoblash miqdorining uch baravari miqdorida bir marta tо‘lanadigan pul mukofoti beriladi.

Bir marta tо‘lanadigan pul mukofotlari universitetning byudjetdan tashqari mablag‘lari hisobidan (о‘qitishning bazaviy qiymati miqdoridan oshadigan qismida tо‘lov-kontrakt asosida о‘qishdan tushadigan tushumlar) ichki imkoniyatlaridan kelib chiqib moliyalashtiriladi.

26. Bir shaxs kо‘krak nishoni bilan bir marta mukofotlanadi.

27. Kо‘krak nishoni davlat mukofotlaridan keyin kо‘krakning chap tomoniga taqiladi.

28. Kо‘krak nishoni 0,25 mikron qalinlikda oltin rangli mis qotishmasidan tayyorlanadi va diametri 34 millimetrli doira shaklida bо‘ladi.

29.Kо‘krak nishonining markazida Maqsud Shayxzoda qiyofasi aks ettiriladi. Kо‘krak nishonining aylanasi bо‘ylab, yuqori qismida oq emal fonida Maqsud Shayxzoda sо‘zi yoziladi. Aylananing quyi qismida adib qalamiga mansub hikmatli sо‘z joylashtirilishi mumkin. Harflar  balandligi - 2,2 millimetr.

30. Kо‘krak nishonining orqa tomonida О‘zbekiston Respublikasi Davlat gerbi tasvirlanadi.

Kо‘krak nishonining qalinligi - 3 millimetr.

Yozuv va tasvirlar - buyurtma.

Kо‘krak nishonining old va orqa tomonlarining chetlari qabariq doira bilan о‘ralgan bо‘ladi.

31. Kо‘krak nishoni ilmoq va halqa yordamida besh qirrali qadagichga ulanadi.

32. Qadagichning orqa tomoniga kо‘krak nishonini kiyimga taqib qо‘yish uchun tо‘g‘nog‘ich kо‘rinishidagi moslama о‘rnatiladi.

33. Kо‘krak nishonining tavsifi Oliy va о‘rta maxsus ta’lim vazirligi bilan kelishilgan holda universitet tomonidan tasdiqlanadi.

34. Kundalik darslarni о‘zlashtirmaydigan, о‘quv intizomini va odob- axloqni buzgan talabalarni о‘quv yili mobaynida fakultet kengashining tavsiyasiga binoan universitet rektori buyrug‘i asosida maxsus stipendiyadan mahrum qilinishi mumkin.

35. Maxsus stipendiya va kо‘krak nishoni bilan taqdirlash bо‘yicha ariza va shikoyatlar qonun hujjatlarida belgilangan tartibda kо‘rib chiqiladi.